BMC Recruitment 2026 : बृहन्मुंबई महानगरपालिकेत (BMC) मोठ्या प्रमाणात भरतीची तयारी सुरू असून सुमारे ९ हजाराहून अधिक पदांसाठी भरती प्रक्रिया राबवली जाणार आहे. राज्य सरकारने एकूण ७० हजार सरकारी पदे भरण्याची घोषणा केली आहे. त्यात बीएमसीतील रिक्त जागा भरण्यावरही भर देण्यात येणार असल्याची माहिती समोर आली आहे.

मुंबई महापालिकेत रिक्त पदे भरण्यासाठी हालचाली वेगात

सरकारी नोकरीच्या शोधात असलेल्या तरुणांसाठी महत्त्वाची बातमी समोर आली आहे. राज्यातील सर्वात मोठ्या स्थानिक स्वराज्य संस्थांपैकी एक असलेल्या बृहन्मुंबई महानगरपालिकेत (BMC) मोठ्या प्रमाणावर भरती होण्याची शक्यता व्यक्त केली जात आहे. राज्य सरकारने अलीकडेच सुमारे ७० हजार सरकारी पदांची भरती करण्याची घोषणा केली असून त्यामध्ये विविध शासकीय विभागांसोबत महापालिका आणि स्थानिक स्वराज्य संस्थांमधील रिक्त जागा भरण्यावरही भर दिला जाणार आहे.

Gold Rate Today : २४, २२ आणि १८ कॅरेट सोन्याच्या दरात मोठी घसरण; जाणून घ्या आजचे शहरनिहाय ताजे दर

मुंबई महानगरपालिकेत अनेक वर्षांपासून विविध विभागांमध्ये मोठ्या प्रमाणावर पदे रिक्त आहेत. प्रशासनाच्या माहितीनुसार पालिकेमध्ये एकूण १ लाख ४५ हजार पदांची मंजुरी आहे. मात्र सध्या केवळ ८९ हजार १३० कर्मचारी कार्यरत आहेत. त्यामुळे अनेक विभागांमध्ये मनुष्यबळाची कमतरता जाणवत आहे. ही परिस्थिती लक्षात घेता रिक्त पदे भरण्याची मागणी जोर धरत आहे.

सुमारे ९ हजार पदांसाठी भरतीची प्रक्रिया

महापालिका प्रशासनाने उपलब्ध माहितीनुसार सध्या मंजूर असलेल्या पदांपैकी ५६ हजार १२६ पदांसाठी प्रशासनिक मान्यता दिली आहे. या संरचनेतून ९ हजार २९५ पदांसाठी भरती प्रक्रिया राबवण्याची तयारी सुरू असल्याची माहिती समोर आली आहे.

यातील काही पदांवर भरतीची प्रक्रिया आधीच सुरू झाली असून ५ हजार ४८६ पदांची भरती पूर्ण झाल्याचे देखील सांगितले जात आहे. उर्वरित पदांसाठी लवकरच पुढील टप्प्यात भरती प्रक्रिया सुरू होण्याची शक्यता व्यक्त केली जात आहे.

या भरतीमुळे महापालिकेच्या विविध विभागांमध्ये मनुष्यबळ वाढणार असून नागरी सेवांची कार्यक्षमता सुधारण्यास मदत होईल, असा प्रशासनाचा अंदाज आहे.

Petrol-Diesel Price : पेट्रोल-डिझेल महागणार? इराण-इस्त्राइल युद्धामुळे दर वाढीचा स्फोट होणार, लेटेस्ट अपडेट

राज्यात टप्प्याटप्प्याने होणार मोठी नोकरभरती

राज्य सरकारने जाहीर केलेल्या ७० हजार पदांच्या भरती प्रक्रियेत विविध शासकीय विभाग, स्थानिक स्वराज्य संस्था आणि महानगरपालिकांचा समावेश असणार आहे. यासाठी संबंधित विभागांमध्ये बैठका पार पडल्या असून भरती प्रक्रियेचा आराखडा तयार केला जात आहे.

सर्वप्रथम मोठ्या संस्थांमधील रिक्त पदे भरण्यावर भर दिला जाणार असून त्यामध्ये बृहन्मुंबई महानगरपालिकेचा समावेश आहे. महापालिका निवडणुकांनंतर या भरती प्रक्रियेला गती मिळण्याची शक्यता वर्तवली जात आहे.

कर्मचारी रचना आणि डिजिटल कामकाजाचा आढावा

दरम्यान, महापालिका प्रशासन सध्या कर्मचारी रचनेचा पुनर्विचार करत असल्याची माहिती मिळत आहे. महसुली खर्च कमी करण्यासाठी आणि कामकाज अधिक कार्यक्षम करण्यासाठी काही विभागांमध्ये डिजिटल प्रणालीचा वापर वाढवला जात आहे.

डिजिटल प्रक्रियांमुळे काही पदांची आवश्यकता कमी होऊ शकते, तर काही विभागांमध्ये नव्या प्रकारच्या तांत्रिक पदांची गरज निर्माण होऊ शकते. त्यामुळे प्रशासन आवश्यकतेनुसार टप्प्याटप्प्याने भरती प्रक्रिया राबवण्याचा विचार करत आहे.

आजपासून हरभरा हमीभाव खरेदी सुरू.. मोबाईलवरून अशी करा ऑनलाइन नोंदणी!

तरुणांसाठी मोठी संधी

मुंबईसारख्या महानगरातील सरकारी नोकरी ही अनेक तरुणांचे स्वप्न असते. बीएमसीसारख्या मोठ्या संस्थेत नोकरी मिळाल्यास स्थिर करिअर आणि चांगल्या सुविधा मिळण्याची संधी असते.

लवकरच अधिकृत जाहिरात जाहीर झाल्यानंतर पात्र उमेदवारांना अर्ज करता येणार आहेत. त्यामुळे सरकारी नोकरीची तयारी करणाऱ्या उमेदवारांनी अधिकृत सूचना आणि जाहिरातींवर लक्ष ठेवणे आवश्यक असल्याचे तज्ञ सांगतात.