Post Office Monthly Income Scheme : मंडळी आपल्या कमाईतून बचत करून ती सुरक्षित ठिकाणी गुंतवणे हे प्रत्येकासाठी महत्त्वाचे असते. विशेषता निवृत्तीनंतर, नियमित उत्पन्नाचे साधन नसल्यास आर्थिक अडचणींना सामोरे जावे लागू शकते. अशा वेळी, निश्चित उत्पन्न देणारी गुंतवणूक योजना उपयुक्त ठरते. पोस्ट ऑफिस मासिक उत्पन्न योजना (Post Office Monthly Income Scheme – POMIS) ही अशीच एक योजना आहे जी दरमहा निश्चित व्याज मिळवून देते.
खाते किमान रकमेने सुरू करता येते
या योजनेत खाते उघडण्यासाठी फार मोठी गुंतवणूक आवश्यक नाही. फक्त 1000 रुपयांपासून खाते उघडता येते. ही योजना प्रत्येक वयोगटासाठी खुली आहे. एकल किंवा संयुक्त स्वरूपात (जास्तीत जास्त तीन प्रौढ) खाते उघडता येते. तसेच पालक अपंग किंवा अल्पवयीन व्यक्तीसाठीही खाते उघडू शकतात.
👥 संजय गांधी निराधार अनुदान योजना – गरजू, अपंग आणि निराधार व्यक्तींसाठी आधार
व्याजदर आणि योजना कालावधी
ही योजना सध्या 7.4 टक्के वार्षिक व्याज देते. हे व्याज दरमहा खात्यात जमा केलं जातं. सरकारदरबारी मान्यताप्राप्त असल्यामुळे या योजनेतील गुंतवणूक पूर्णपणे सुरक्षित असते. योजनेचा कालावधी 5 वर्षांचा आहे. खाते उघडल्यानंतर पहिल्या वर्षभरात त्यातून रक्कम काढता येत नाही.
गुंतवणुकीची मर्यादा
या योजनेत एका एकल खात्यात कमाल 9 लाख रुपये गुंतवता येतात. संयुक्त खात्यासाठी ही मर्यादा 15 लाख रुपये आहे. संयुक्त खात्यातील सर्व गुंतवणूकदारांचा वाटा समान असणे आवश्यक आहे. व्याज दरमहा देण्यात येते, परंतु जर ते काढले गेले नाही तर त्यावर कोणतेही अतिरिक्त व्याज दिले जात नाही.
👧 लाडक्या बहिणीच्या खात्यात ₹1500 जमा – तुम्हाला मिळाला का हप्ता?
दरमहा किती उत्पन्न मिळू शकते?
जर एखाद्या गुंतवणूकदाराने एकल खात्यात 9 लाख रुपये गुंतवले, तर त्याला दरमहा सुमारे 5500 रुपये व्याज मिळू शकते. संयुक्त खात्यात 15 लाख रुपये गुंतविल्यास दरमहा सुमारे 9250 रुपये मिळू शकतात. या योजनेंतर्गत एकदाच गुंतवणूक करून दरमहा निश्चित उत्पन्न मिळवण्याची सोय होते.
खाते उघडण्याची प्रक्रिया
ही प्रक्रिया अत्यंत सोपी आहे. जवळच्या पोस्ट ऑफिसमध्ये जाऊन संबंधित अर्ज व कागदपत्रांसह खाते उघडता येते. अर्जासोबत केवायसी फॉर्म, पॅन कार्ड, ओळखपत्र आणि पत्त्याचा पुरावा आवश्यक असतो.
महाराष्ट्रातील महिलांना मिळणार 90% अनुदानावर पिठाची गिरणी , असा करा अर्ज
मुदतपूर्तीपूर्वी खाते बंद केल्यास काय?
जर गुंतवणूकदाराने खाते उघडल्यानंतर 1 ते 3 वर्षांच्या आत बंद केले, तर 2 टक्के दंड आकारला जातो. जर खाते 3 ते 5 वर्षांच्या आत बंद केले, तर 1 टक्का दंड आकारला जातो. मात्र खातेदाराचा मृत्यू झाल्यास खाते तत्काळ बंद करून संपूर्ण रक्कम आणि व्याज नामनिर्देशित व्यक्तीस किंवा कायदेशीर वारसास दिले जाते.
पोस्ट ऑफिस मासिक उत्पन्न योजना ही सरकारद्वारे चालवली जाणारी, सुरक्षित आणि स्थिर उत्पन्न देणारी योजना आहे. विशेषता निवृत्त व्यक्तींसाठी किंवा ज्यांना दरमहा निश्चित रक्कम हवी आहे अशा गुंतवणूकदारांसाठी ही योजना आदर्श आहे. कमी गुंतवणुकीत नियमित उत्पन्नाची हमी मिळवण्यासाठी POMIS हा एक उत्तम पर्याय ठरतो.