Heavy Rain Alert : मंडळी राज्याच्या पश्चिम किनारपट्टीवर गेल्या आठवड्यापासून पावसाचा जोर काहीसा वाढलाच आहे. आज आणि उद्या या दोन्ही दिवसांतही कोकण विभागात मुसळधार ते अतिमुसळधार पावसाचा अंदाज वर्तवण्यात आला आहे. त्यामुळे नागरिकांनी काळजी घेण्याचं आणि प्रशासनाच्या सूचनांचं पालन करण्याचं आवाहन करण्यात आलं आहे.
मुंबई आणि उपनगरात मुसळधार पावसाची शक्यता
मुंबईसह नवी मुंबई, ठाणे, रायगड, रत्नागिरी आणि सिंधुदुर्ग या जिल्ह्यांमध्ये हवामान विभागाने ऑरेंज अलर्ट जारी केला आहे. विशेषता मुंबईत आज काही भागांत मुसळधार पाऊस होण्याची शक्यता आहे. आकाश ढगाळ राहणार असून, समुद्रात लाटा 4.67 मीटरपर्यंत उंचावू शकतात, असा अंदाज आहे. दुपारनंतर पावसाचा जोर वाढण्याची शक्यता असल्याने नागरिकांनी शक्यतो घरातच राहणं अधिक सुरक्षित ठरेल.
गाय गोठा अनुदान योजने अंतर्गत शेतकऱ्यांना मिळणार 77,000 रुपये , असा करा अर्ज
ठाणे आणि नवी मुंबईत सखल भागांमध्ये पाणी साचण्याचा धोका
ठाणे आणि नवी मुंबईतही जोरदार पावसाचा अंदाज वर्तवण्यात आला आहे. काही भागांत आधीच पाणी साचायला सुरुवात झाली आहे. पावसाचा जोर असाच राहिला, तर रस्त्यांवर खड्डे पडण्याची शक्यता वाढू शकते. त्यामुळे अनावश्यक प्रवास टाळावा आणि सुरक्षित अंतर राखूनच बाहेर पडावं, असं प्रशासनाचं आवाहन आहे.
पालघरमध्ये रेड अलर्ट, शाळा आणि महाविद्यालयांना सुट्टी
पालघर जिल्ह्यातील पावसाचा जोर पाहता, आज हवामान खात्याने रेड अलर्ट जारी केला आहे. काल ऑरेंज अलर्ट होता, पण पावसाची तीव्रता वाढल्याने ही अधिक सतर्कतेची पायरी आहे. जिल्हाधिकारी डॉ. इंदु राणी जाखड यांनी सर्व शाळा, अंगणवाड्या आणि महाविद्यालयांना सुट्टी जाहीर केली आहे. काही धरणांतून पाण्याचा विसर्ग सुरू करण्यात आला असून, नागरिकांनी नदीकिनारी जाऊ नये, अशी विनंती प्रशासनाने केली आहे.
जिल्हा परिषद सेस निधीतून कृषी अवजारे/यंत्रांसाठी ५०% अनुदान – असा करा अर्ज
कोकणातील इतर भागांतही पावसाचा इशारा
रत्नागिरी, रायगड आणि सिंधुदुर्ग या जिल्ह्यांतही ऑरेंज अलर्ट कायम आहे. सिंधुदुर्गात काही भागांत अतिमुसळधार पावसाचा इशारा देण्यात आला आहे. डोंगराळ भागांत भूस्खलनाचा धोका निर्माण झाला असून, नदीकाठच्या गावांमध्ये पूरस्थिती उद्भवू शकते. त्यामुळे स्थानिक प्रशासनाने सतर्कतेचे आदेश दिले आहेत.
हवामान खात्याचे अंदाज लक्षात घेता, पुढचे दोन दिवस नागरिकांनी विशेष काळजी घेणं गरजेचं आहे. शक्य असल्यास घरातच राहावं, आणि बाहेर पडताना हवामान अपडेट्स पाहूनच निर्णय घ्यावा.